వరుసగా మూడు భారీ విజయాలు సాధించడంతో ఇప్పుడు వెంకీ అట్లూరితో సినిమాలు చేసేందుకు టాలీవుడ్ స్టార్ హీరోలు క్యూ కడుతున్నారు.
సినిమా ఇండస్ట్రీలో ఒక్క విజయం మనిషి జాతకాన్ని మార్చేస్తుంది. ఇక్కడ సక్సెస్ మాత్రమే మాట్లాడుతుంది. విజయం మీ వైపు ఉంటే ఆటోమేటిక్గా డిమాండ్ మీ తలుపు తడుతుంది. సరిగ్గా ఇప్పుడు ఇదే ఫార్ములా యంగ్ అండ్ టాలెంటెడ్ డైరెక్టర్ వెంకీ అట్లూరి విషయంలో నిజమవుతోంది.ధనుష్తో చేసిన 'సార్', దుల్కర్ సల్మాన్తో తీసిన 'లక్కీ భాస్కర్' చిత్రాలతో వరుసగా బ్లాక్బస్టర్ హిట్లు కొట్టిన వెంకీ(Venky atluri), తాజాగా బాక్సాఫీస్ వద్ద మరో సంచలనం సృష్టించారు. కోలీవుడ్ వర్సటైల్ యాక్టర్ సూర్య, మమితా బైజు ప్రధాన పాత్రల్లో నటించిన 'విశ్వనాథ్ అండ్ సన్స్' చిత్రంతో హ్యాట్రిక్ సక్సెస్ సాధించారు. ఆగస్టు 14న విడుదలైన ఈ సినిమా, కేవలం మూడు రోజుల్లోనే ప్రపంచవ్యాప్తంగా వంద కోట్ల గ్రాస్ కలెక్షన్లను రాబట్టి బాక్సాఫీస్ దగ్గర దండయాత్ర చేస్తోంది.
వరుసగా మూడు భారీ విజయాలు సాధించడంతో ఇప్పుడు వెంకీ అట్లూరితో సినిమాలు చేసేందుకు టాలీవుడ్ స్టార్ హీరోలు క్యూ కడుతున్నారు. అయితే వెంకీ మాత్రం తన తరువాతి చిత్రాన్ని ఒక ప్రత్యేకమైన అక్కినేని హీరోతో చేసే ప్లానింగ్లో ఉన్నట్లు తెలుస్తోంది. ఆ హీరో ఎవరో కాదు... అక్కినేని నాగ చైతన్య. ఫిల్మ్ నగర్ వర్గాల నుండి అందుతున్న సమాచారం ప్రకారం, నాగ చైతన్య కెరీర్లో ఎంతో ప్రతిష్టాత్మకమైన 25వ మైల్స్టోన్ మూవీకి వెంకీ అట్లూరి దర్శకత్వం వహించబోతున్నారట. వరుస విజయాలతో ఫుల్ ఫామ్లో ఉన్న వెంకీతో తన 25వ సినిమాను పట్టాలెక్కించేందుకు నాగ చైతన్య కూడా చాలా ఆసక్తిగా ఉన్నట్లు సమాచారం.
అసలు వీరిద్దరి కాంబినేషన్ వెనుక ఒక ఆసక్తికరమైన కథ ఉంది. నాగ చైతన్య, వెంకీ అట్లూరి మధ్య కేవలం ప్రొఫెషనల్ సంబంధమే కాకుండా మంచి స్నేహం, అనుబంధం ఉన్నాయి. వెంకీ అట్లూరి దర్శకుడిగా మారినప్పటి నుంచి తాను రాసుకున్న ప్రతి కథను ముందుగా నాగ చైతన్యకే వినిపించేవారట. ఈ విషయాన్ని వెంకీ స్వయంగా పలు ఇంటర్వ్యూలలో వెల్లడించారు. కథలు చైతూకి బాగా నచ్చినప్పటికీ, ఆ సమయంలో కాల్షీట్లు కుదరకపోవడం, ఇతర ప్రాజెక్టులతో బిజీగా ఉండటం వల్ల వీరి కాంబినేషన్లో సినిమా సెట్ అవ్వలేదు. కలిసినప్పుడల్లా 'త్వరలోనే మంచి సినిమాతో వద్దాం' అని సరదాగా మాట్లాడుకునేవారట. ఎట్టకేలకు ఆ సమయం ఇప్పుడు చైతూ 25వ సినిమాతో ఆసన్నమైందని సినీ వర్గాలు అంటున్నాయి.
ఈ క్రేజీ ప్రాజెక్ట్ను ప్రముఖ నిర్మాణ సంస్థ 'సితార ఎంటర్టైన్మెంట్స్' పతాకంపై సూర్యదేవర నాగవంశీ నిర్మించే అవకాశాలు మెండుగా ఉన్నాయి. ఇటీవల అక్కినేని అఖిల్తో 'లెనిన్' సినిమా తీసి సూపర్ హిట్ ఇచ్చిన నాగవంశీ, ఇప్పుడు నాగ చైతన్య మైల్స్టోన్ మూవీని కూడా వెంకీ అట్లూరితో కలసి బిగ్ స్కేల్లో ప్లాన్ చేస్తున్నారట. ప్రస్తుతం నాగ చైతన్య కార్తీక్ దండు దర్శకత్వంలో 'వృషకర్మ' అనే సినిమాతో బిజీగా ఉన్నారు. ఈ మూవీ ఈ ఏడాదే ప్రేక్షకుల ముందుకు రానుంది. అది పూర్తయిన వెంటనే వెంకీ అట్లూరి ప్రాజెక్ట్ పట్టాలెక్కే అవకాశం ఉంది. మరి ఈ కాంబినేషన్ పై అధికారిక ప్రకటన ఎప్పుడు వస్తుందో చూడాలి.
కన్నీళ్లను జయించిన రాజకుమారి.. ‘అగ్నిపరీక్ష’ నుంచి బిగ్బాస్ హౌస్ వరకు!
వంటగదికే వెళ్లని సమంత మాస్టర్చెఫ్కి జడ్జ్ ఏంటి!?
అనిరుధ్-కావ్య మారన్ పెళ్లి డేట్ వచ్చేసిందిరోయ్..
