స్పిరిట్’ నుంచి దీపికా పదుకొనేని తప్పించడం వెనుక అసలు కారణం ఇదే

ప్రభాస్ హీరోగా సందీప్ రెడ్డి వంగా దర్శకత్వంలో తెరకెక్కుతున్న సినిమా ‘స్పిరిట్’. బాలీవుడ్ ప్రొడ్యూసర్ భూషణ్ కుమార్ తో కలిసి సందీప్ సోదరుడు ప్రణయ్ రెడ్డి ఈ చిత్రాన్ని నిర్మిస్తున్నారు. ఈ సినిమా కోసం ముందుగా దీపికా పదుకొనేని హీరోయిన్ గా అనుకున్నారు. కానీ చివరకు త్రిప్తి డిమ్రీని తీసుకున్నారు. ప్రభాస్ మూవీ నుంచి దీపిక తప్పుకుందనే వార్త జాతీయ స్థాయిలో చర్చనీయాంశంగా మారింది. దీనిపై తాజాగా నిర్మాత ప్రణయ్ రెడ్డి వంగా స్పందించారు.‘స్పిరిట్’ నుంచి దీపిక పదుకునే తప్పుకుందా? తప్పించారా? అని అప్పట్లో పెద్ద ఎత్తున చర్చలు జరిగాయి. అదే సమయంలో ‘రోజుకు 8 పని గంటలు’ అంశం తెర మీదకు వచ్చింది. ఈ నియమ నిబంధనల కారణంగానే దీపిక ఈ ప్రాజెక్ట్ నుంచి బయటకు రావాల్సి వచ్చిందని అందరూ అనుకున్నారు. అప్పుడే దీపికాను ఉద్దేశించి సందీప్ వంగా పరోక్షంగా సోషల్ మీడియాలో పోస్ట్ చేయడం సినీ వర్గాల్లో హాట్ టాపిక్ అయింది. అయితే కేవలం పని గంటలు మాత్రమే కాదు, రెమ్యూనరేషన్ విషయంలోనూ దీపిక పెట్టిన కండిషన్ వల్లే ఆమెను తప్పించినట్లు ప్రణయ్ రెడ్డి వెల్లడించారు.ప్రణయ్ వంగా తాజాగా ఓ ఇంటర్వ్యూలో దీపిక పదుకునే తప్పుకోవడం గురించి మాట్లాడారు. “వెబ్ సైట్లలో ఏమి రాశారో అదే రీజన్. ఒకటి రెమ్యునరేషన్, రెండు టైమింగ్. అవి కాకుండా వేరే రీజన్స్ కూడా కొన్ని ఉన్నాయి. ఆమెను తీసేయాలనేది సందీప్ తీసుకున్న నిర్ణయమే. ఆమెతో సందీప్ ఒక ఏడాదిన్నరపాటు టచ్ లో ఉన్నాడు. ఆమె పర్ఫార్మెన్స్ నచ్చి, సినిమాలో ఉంటే బెటర్ గా ఉంటుందని ఆలోచించాము. ప్రాజెక్టులోకి తీసుకోవాలని అనుకున్నాం. కానీ ఆ ఏడాదిన్నరలో చాలా మారాయి. ఆమెవి ఓ రెండు సినిమాలు హిట్టయ్యాయి. దీంతో డిమాండ్ చేయడం స్టార్ట్ చేసింది”“నెట్ ఇన్ కమ్ నుంచి 10 శాతం కావాలని డిమాండ్ చేసింది. అంటే లాభాల్లో పది శాతం అడిగింది. అన్నీ హద్దులు దాటిపోయాయి. హిట్స్ లో ఉన్న హీరోయిన్ కాబట్టి ఆమె ఏమైనా అడగొచ్చు. మనం ఇవ్వాలని అనుకుంటే ఇవ్వొచ్చు. కానీ ఎకనామిక్స్ (బడ్జెట్) కూడా మనకు వర్కవుట్ అవ్వాలి కదా. ఆమె కండిషన్స్ కు వర్కవుట్ అవ్వదని భావించాం. దీంతో సెకండ్ ఆప్షన్ కు వెళ్లాలనుకున్నాం. ఇంకో హీరోయిన్ ని చూస్తున్నప్పుడే, ఇంతలో ఆమె తన పీఆర్ టీమ్ తో అన్నీ బయటకు లీక్ చేయించింది”“సంవత్సరం పైగా ట్రావెల్ చేశాం కాబట్టి.. స్టోరీ, క్యారెక్టర్ అన్నీ ఆమెతో డిస్కస్ చేసి ఉంటాం కదా. అంతర్గతంగా చర్చించిన విషయాలు బయటకు చెప్పకూడదు కదా. కానీ ఆమె మాత్రం అవన్నీ బయటపెట్టింది. అందుకే మేము డిస్టర్బ్ అయ్యాం. ఆమెకు రూ.5-6 కోట్లు అదనంగా ఇవ్వడం పెద్ద సమస్య కాదు. ప్రభాస్ అన్ననే ప్రాజెక్ట్ లోకి తీసుకొచ్చిన తర్వాత అదేం ఉంది” అంటూ దీపికా పదుకొనేను తప్పించడం వెనుక అసలు కారణాన్ని ప్రణయ్ రెడ్డి వంగా రివీల్ చేశారు.