టాలీవుడ్ హీరో వరుణ్ తేజ్ చాలా ఏళ్ల తర్వాత సక్సెస్ ట్రాక్ ఎక్కారు. గత కొన్ని సినిమాల నుంచి వరుస పరాజయాలు అందుకుంటున్న ఈ మెగా హీరో.. ఎట్టకేలకు ‘కొరియన్ కనకరాజు’ సినిమాతో మళ్లీ హిట్టు రుచి చూశారు. తన కెరీర్లోనే అత్యధిక ఓపెనింగ్స్ అందుకున్నారు. మేర్లపాక గాంధీ దర్శకత్వంలో తెరకెక్కిన ఈ హారర్ కామెడీ.. బాక్సాఫీస్ దగ్గర మంచి భారీ వసూళ్లు రాబడుతోంది. కనకరాజు మొదటి రోజు కంటే రోజు అధిక కలెక్షన్స్ కుమ్మేసాడు. రెండు రోజుల వసూళ్ల వివరాలను మేకర్స్ అధికారికంగా ప్రకటించారు.‘కొరియన్ కనకరాజు’ సినిమా శుక్రవారం (ఆగస్టు 7) ప్రపంచ వ్యాప్తంగా విడుదలైంది. ముందు రోజు రాత్రి ప్రీమియర్ షోలు ప్రదర్శించారు. ప్రీమియర్స్ తో కలుపుకొని తొలి రోజు రూ.10.2 కోట్లకు పైగా గ్రాస్ వసూళ్లను సాధించినట్లు చిత్ర బృందం ప్రకటించింది. కేవలం 2 రోజుల్లోనే వరల్డ్ వైడ్ రూ. 23.6 కోట్ల పైగా గ్రాస్ కలెక్షన్స్ రాబట్టినట్లు అనౌన్స్ చేశారు. అంటే రెండో రోజు దాదాపు రూ.13.4 కోట్లు వచ్చాయి. మూడో రోజు ఆదివారం డీసెంట్ నంబర్స్ నమోదయ్యే అవకాశాలు కనిపిస్తున్నాయి.నార్త్ అమెరికాలో ‘కొరియన్ కనకరాజు’ సినిమా ఇప్పటివరకూ 250K డాలర్లకు పైగా వసూళ్లు సాధించింది. బుక్ మై షో, డిస్ట్రిక్ట్ ఆన్ లైన్ బుకింగ్ ఫ్లాట్ పామ్స్ లో 500K టికెట్లకు పైగా అమ్ముడయ్యాయని చిత్ర బృందం తెలిపింది. ''నాన్ స్టాప్ ఎంటర్టైనర్ కొరియన్ కనకరాజు బిగ్ స్క్రీన్ పై ప్రేక్షకుల ఫేవరేట్ ఫిలింగా నిలిచి, ప్రపంచవ్యాప్తంగా అందరి హృదయాలను గెలుచుకుని థియేటర్లను ఏలుతోంది'' అని సోషల్ మీడియాలో పోస్ట్ పెట్టింది. రాబోయే రోజుల్లో కనకరాజు ర్యాంపేజ్ ఎలా ఉంటుందో చూడాలి.ఇక ‘కొరియన్ కనకరాజు’ మూవీ టీంకు రెబల్ స్టార్ ప్రభాస్ సోషల్ మీడియా వేదికగా కంగ్రాట్స్ చెప్పారు. ''వరుణ్ తేజ్, మేర్లపాక గాంధీ, రితిక, సత్య పట్ల చాలా సంతోషంగా ఉంది. 'కొరియన్ కనకరాజు' బ్లాక్ బస్టర్ సక్సెస్ సాధించిన సందర్భంగా UV క్రియేషన్స్, ఫస్ట్ ఫ్రేమ్ ఎంటర్టైన్మెంట్స్ వారికి అభినందనలు'' అని ప్రభాస్ ఇన్స్టాగ్రామ్ లో పోస్ట్ చేశారు. ఇటీవల ఈ మూవీ ట్రైలర్ ను ప్రభాస్ చేతుల మీదుగానే లాంచ్ చేశారు. ఇప్పుడు తన మిత్రులు యూవీ నిర్మాతలు సాధించిన విజయం పట్ల సంతోషం వ్యక్తం చేశారు.