సినీ పరిశ్రమలో అభిమానం అనేది సహజమే... కానీ ఆ అభిమానాన్ని ఆరాధనగా, భక్తిగా మార్చుకున్న అతి కొద్దిమందిలో ప్రముఖ నటుడు, నిర్మాత బండ్ల గణేష్ ఒకరు. పవర్ స్టార్ పవన్ కల్యాణ్ అంటే ఆయనకు కేవలం ఒక హీరో మాత్రమే కాదు.. సాక్షాత్తూ ప్రత్యక్ష దైవం. మైక్ దొరికితే చాలు పవన్ను ఆకాశానికెత్తేస్తూ బండ్ల గణేష్ ఇచ్చే ఎనర్జిటిక్ స్పీచ్లు టాలీవుడ్లో సరికొత్త ట్రెండ్ను సృష్టించాయి. పవన్పై ఆయన చూపించే ఈ నిస్వార్థ ప్రేమని సినీ జనాలు వీరభక్తి అని పిలుస్తుంటారు. తాజాగా పవన్ కల్యాణ్ పుట్టినరోజు సందర్భంగా బండ్ల గణేష్ సోషల్ మీడియా వేదికగా పెట్టిన ఒక ప్రత్యేక పోస్ట్ అభిమానులను విపరీతంగా ఆకట్టుకుంటూ నెట్టింట తెగ వైరల్ అవుతోంది.* అల్లు అర్జున్ని పక్కనపెట్టి యష్తో లోకేష్ కనకరాజ్ సినిమానా?... అల్లు, యష్ ఫ్యాన్ వార్ వేళ మరో బాంబ్హాస్య నటుడిగా కెరీర్ ప్రారంభించి ఆ తర్వాత అగ్ర నిర్మాతగా మారిన బండ్ల గణేష్ ఎదుగుదలలో పవన్ కల్యాణ్ పాత్ర ఎంతో కీలకం. పవన్తో ఆయన నిర్మించిన ‘గబ్బర్ సింగ్’ మూవీ ఇండస్ట్రీ రికార్డులను తిరగరాసి వారి అనుబంధాన్ని మరింత దృఢం చేసింది. ఆడియో వేడుకల్లో, ప్రీ-రిలీజ్ ఈవెంట్లలో బండ్ల గణేష్ వేదికపైకి వచ్చారంటే అభిమానుల్లో పూనకాలు రావడం ఖాయం. 'వకీల్ సాబ్' ఈవెంట్లో పవన్ వ్యక్తిత్వాన్ని కొనియాడుతూ... ‘ఈశ్వరా… పవనేశ్వరా… పవరేశ్వరా’ ఆయన ఇచ్చిన స్పీచ్ తెలుగు సినీ చరిత్రలోనే చిరస్థాయిగా నిలిచిపోయింది. కేవలం మాటలకే పరిమితం కాకుండా, పవన్ కల్యాణ్ సిద్ధాంతాలను స్ఫూర్తిగా తీసుకుంటూ ఆపదలో ఉన్న అభిమానులకు, పేదలకు ఎన్నో సందర్భాల్లో ఆయన ఆర్థిక సహాయం అందించి తన ఉదారతను చాటుకున్నారు.మరోసారి 'పవనేశ్వర' జపంబుధవారం (సెప్టెంబర్ 2) పవన్ కల్యాణ్ పుట్టినరోజును పురస్కరించుకుని బండ్ల గణేష్ తన ఆరాధ్య దైవానికి తనదైన శైలిలో శుభాకాంక్షలు తెలిపారు. గతంలో 'వకీల్ సాబ్' వేదికపై గర్జించిన డైలాగును గుర్తుచేస్తూ ఆయన రాసిన పోస్ట్ ప్రతి పవన్ అభిమాని గుండెను హత్తుకునేలా ఉంది. "ఈశ్వరా… పవనేశ్వరా… పవరేశ్వరా…! మీ పేరు వింటే పూనకం… మీ పేరు వింటే పులకం… మీ రూపం చూస్తే పులకింత… మీ మాట వింటే ధైర్యం… మీ అడుగు పడితే సంచలనం! మీరు ఒక హీరో కాదు… ఒక భావోద్వేగం. మీరు ఒక స్టార్ కాదు… ఒక శక్తి. మీరు ఒక పేరు కాదు… కోట్లాది హృదయాల్లో చెరగని ముద్ర" అంటూ పవన్పై తనకున్న అపరిమితమైన భక్తిని పదాల్లో బంధించారు.* పవర్స్టార్ నుంచి పవర్ఫుల్ లీడర్గా.. ఓటమిని జయించిన యోధుడు పవన్ కళ్యాణ్అంతేకాకుండా... ‘మీ శిష్యుడిగా మిమ్మల్ని అభిమానించడం నా అదృష్టం.. మీ పేరును గర్వంగా పలకడం నా గౌరవం’ అని పేర్కొంటూ, పవన్ కల్యాణ్ ఎల్లప్పుడూ ఆయురారోగ్యాలతో, నిరంతర విజయాలతో వర్ధిల్లాలని, ఆయన కీర్తి మరింత ఉన్నత శిఖరాలకు చేరాలని మనస్ఫూర్తిగా ప్రార్థిస్తూ హృదయపూర్వకంగా పుట్టినరోజు శుభాకాంక్షలు తెలియజేశారు. బండ్ల గణేష్ చేసిన ఈ పోస్ట్ ప్రస్తుతం సోషల్ మీడియాలో వైరల్ అవుతుండగా, 'బండ్లన్న భక్తికి తిరుగులేదు' అంటూ జన సైనికులు, మెగా అభిమానులు కామెంట్ల వర్షం కురిపిస్తున్నారు. పవన్పై బండ్ల గణేష్ చూపించే ఈ అచంచలమైన ప్రేమాభిమానాలు పరిశ్రమలో ఒక అరుదైన బంధానికి నిదర్శనంగా నిలుస్తున్నాయి.
