హారర్ కి కొరియన్ లింక్ కలపడమే సక్సెస్ - తెలుగు సినిమాన్యూస్, రివ్యూస్

వరుణ్ తేజ్ నటించిన ‘కొరియన్ కనకరాజు’ (Korean Kanakaraju) మంచి కలెక్షన్లు అందుకుంటున్న నేపథ్యంలో చిత్ర బృందం మెగా బ్లాక్‌బస్టర్ సెలబ్రేషన్స్ నిర్వహించింది. మెగాస్టార్ చిరంజీవి (Megastar Chiranjeevi) ముఖ్య అతిథిగా హాజరై చిత్ర బృందాన్ని అభినందించారు.

ప్రేక్షకులే అసలైన కారణం: ఒక సినిమా విజయం సాధిస్తే నటీనటులు, సాంకేతిక నిపుణులు, నిర్మాతలు, డిస్ట్రిబ్యూటర్లు, ఎగ్జిబిటర్లు ఇలా ఎంతోమందిలో ఆనందం నింపుతుందని చిరంజీవి అన్నారు. ‘కొరియన్ కనకరాజు’ను ఇంత గొప్పగా ఆదరించిన ప్రేక్షకులకు తలవంచి ధన్యవాదాలు చెప్పడం ప్రతి ఒక్కరి బాధ్యత.

మేర్లపాక గాంధీకి ప్రత్యేక ప్రశంసలు: ఈ సినిమా విజయానికి దర్శకుడు మేర్లపాక గాంధీ ప్రధాన కారణమని చిరంజీవి అన్నారు. సాధారణంగా హారర్ కామెడీ చిత్రాలు చాలా వచ్చినప్పటికీ, ఇందులో కొరియన్ ఫ్లేవర్, ఆ దేశ సంస్కృతిని కథలో భాగం చేయడం మంచి ఆలోచన. అదే మొదటి సక్సెస్.

మా బుడ్డోడు సక్సెస్: వరుణ్ తేజ్ మొదటి నుంచీ విభిన్నమైన కథలు, పాత్రలు ఎంచుకుంటున్నాడు. ‘ముకుంద’, ‘కంచె’, ‘అంతరిక్షం’ వంటి సినిమాల్లో వైవిధ్యం చూపించాడని, నటుడిగా తనను తాను నిరూపించుకునే తపన అతనిలో ఉంది.‘ఇది వరుణ్ సక్సెస్ కాదు.. మా బుడ్డోడు వాయుతేజ్ సక్సెస్. ఈ విజయాన్ని వాయు ఖాతాలో వేయాలి.

సత్యకు ప్రత్యేక అభినందనలు: సినిమాలో సత్య అద్భుతంగా నటించాడని చిరంజీవి ప్రశంసించారు. తన నటనతో సినిమా మరోసారి చూడాలనిపించేలా చేశాడని అన్నారు. నా అభిమాని ఈ రేంజ్ కి ఎదగడం నాకు గర్వంగా ఉంది.

మంచి సినిమాలను ప్రేక్షకులు ఆదరిస్తున్నారు: 2026 రెండో అర్ధభాగం ‘పెద్ది’ విజయంతో ప్రారంభమైంది. ఆ తర్వాత ‘మా ఇంటి బంగారం’, ‘చెన్నై లవ్ స్టోరీ’, ఇప్పుడు ‘కొరియన్ కనకరాజు’ చిత్రాలను ప్రేక్షకులు ఆదరిస్తున్నారు.

తన తదుపరి సినిమా టీజర్‌పై అప్‌డేట్: తమన్‌తో కలిసి తాను చేస్తున్న సినిమా టీజర్ తన పుట్టినరోజైన ఆగస్టు 22న విడుదల కానుందని చిరంజీవి తెలిపారు.