సుహాస్ - సూరి నటించిన లేటెస్ట్ మూవీ మండాడి. ఆర్ఎస్ ఇన్‌ఫోటైన్‌మెంట్ బ్యానర్‌పై ఎల్‌రెడ్ కుమార్, వెట్రిమారన్‌లు సంయుక్తంగా ఈ చిత్రాన్ని నిర్మించగా.. మాథిమారన్ పుగళేంది దర్శకత్వం వహించారు. మహిమా నంబియార్, సత్యరాజ్, మిథున్, జై శంకర్, రవీంద్ర విజయ్, బాల శరవణన్, స్టన్ శివ తదితరులు కీలక పాత్రలు పోషించారు. సెప్టెంబర్ 10న మండాడి వరల్డ్ వైడ్‌గా విడుదలైంది. ఈ నేపథ్యంలో ఈ సినిమా ఇప్పటి వరకు ఎంత వసూలు చేసింది? నాలుగో రోజు మండాడి కలెక్షన్స్ ఎంత? అనేది పరిశీలిస్తే..
మండాడి 3 రోజుల కలెక్షన్స్ మండాడి చిత్రానికి తొలిరోజు 4.85 కోట్ల రూపాయలు, రెండో రోజు 6.70 కోట్ల రూపాయలు, మూడో రోజున 10 కోట్ల రూపాయలు చొప్పున మూడు రోజుల వరకు ఇండియాలో 21.55 కోట్ల రూపాయల నెట్.. 25.23 కోట్ల రూపాయల గ్రాస్ కలెక్షన్స్ వసూలు చేసింది. ఇప్పటి వరకు తమిళనాడులో 17.10 కోట్ల రూపాయలు, తెలుగు రాష్ట్రాల్లో 4.30 కోట్ల రూపాయలు, కర్ణాటకలో 2.25 కోట్ల రూపాయలు, రెస్టాఫ్ ఇండియాలో 95 లక్షల రూపాయలు చొప్పున వసూలు చేసినట్లు ట్రేడ్ వర్గాలు తెలిపాయి.
మండాడి తెలుగు రాష్ట్రాల కలెక్షన్స్ తెలుగు రాష్ట్రాల్లోని నైజాం ఏరియాలో 2.25 కోట్ల రూపాయలు, ఆంధ్రాలో 2.05 కోట్ల రూపాయలు చొప్పున ఇప్పటి వరకు 4.30 కోట్ల రూపాయల గ్రాస్.. 2.10 కోట్ల రూపాయల షేర్ వసూలు చేసింది మండాడి. ఆంధ్రా - నైజాంలలో ఈ సినిమా బ్రేక్ఈవెన్ కావాలంటే 4.50 కోట్ల రూపాయల రేంజ్‌లో షేర్ అందుకోవాల్సి ఉందని ట్రేడ్ పండితులు చెబుతున్నారు.
మండాడి ఓవర్సీస్ కలెక్షన్స్ ఇక నార్త్ అమెరికాలో తొలుత పోటీ ఎదురైనప్పటికీ రోజు రోజుకు మండాడికి మంచి కలెక్షన్స్ వస్తున్నాయి. ఇప్పటి వరకు అక్కడ 100కే డాలర్లకు (95.55 లక్షల రూపాయలు) పైగా వసూలు చేసింది. యూకే, యూరప్, ఆస్ట్రేలియా, న్యూజిలాండ్, మిడిల్ ఈస్ట్, గల్ఫ్ తదితర దేశాలలో కలిపి మండాడికి ఓవర్సీస్‌లో 5 కోట్ల రూపాయలకు పైగా కలెక్షన్స్ వచ్చాయి. భారత్‌లో వచ్చిన వసూళ్లతో కలిపి సూరి మూవీకి ఇప్పటి వరకు వరల్డ్ వైడ్‌గా 30.23 కోట్ల రూపాయలకు పైగా వసూళ్లు వచ్చాయి.
నాలుగో రోజు వసూళ్ల అంచనా ఇరుముడి, విశ్వనాథ్ అండ్ సన్స్, సర్దార్ 2 వంటి భారీ చిత్రాలతో పాటు రోమాంచకమ్, మహేంద్రగిరి వారాహి తదితర చిన్న సినిమాల నుంచి గట్టి పోటీ ఎదురైనప్పటికీ మండాడి మూవీ తట్టుకుని నిలబడుతోంది. కోలీవుడ్ స్టార్ హీరో కార్తీ నటించిన సర్దార్‌ను మించి తమిళనాడులో ఆధిపత్యం చెలాయిస్తోంది. తెలుగులోనూ ఇరుముడి ప్రభంజనాన్ని ఎదుర్కొని మెరుగైన కలెక్షన్స్ వసూలు చేస్తోంది. రోజు రోజుకు వసూళ్లు పెంచుకుంటూ బాక్సాఫీస్‌పై దండయాత్ర చేస్తోంది మండాడి.
నాలుగో రోజు మధ్యాహ్నం 2 గంటల వరకు మండాడికి ఇండియాలో 1564 షోలు ప్రదర్శితమై 1.95 కోట్ల రూపాయల నెట్ కలెక్షన్స్ రాబట్టింది. ఆదివారానికి తోడు, వినాయక చవితి సెలవు దినం కావడంతో సూరి మూవీకి వసూళ్లు పెరుగుతాయని అంచనా వేస్తున్నారు. ఆదివారం మండాడికి తమిళనాడులో 6 కోట్ల రూపాయలు, తెలుగు రాష్ట్రాల్లో 2 కోట్ల రూపాయలు, ఓవర్సీస్‌లో 2 కోట్ల రూపాయలు చొప్పున వరల్డ్ వైడ్‌గా మండాడికి 8 నుంచి 10 కోట్ల రూపాయల రేంజ్‌లో వసూళ్లు రాబడుతుందని అంచనా వేస్తున్నారు.
మండాడి చిత్రాన్ని 70 కోట్ల రూపాయల బడ్జెట్‌తో నిర్మించినట్లుగా కోలీవుడ్ వర్గాలు చెబుతున్నాయి. దాంతో ఈ సినిమా లాభాల్లోకి రావాలంటే బాక్సాఫీస్ వద్ద 150 కోట్లకు పైగా కలెక్షన్స్ రాబట్టాల్సి ఉంది. మరి లాంగ్ రన్‌లో ఈ సినిమా ఎంత వసూలు చేస్తుందో? సూరి- సుహాస్‌ల జోడీ ఎక్కడి వరకు లాక్కెళ్తుందో చూడాలి.
