బాలీవుడ్ ప్రముఖ నటుడు, ‘భగవంత్ కేసరి’ ఫేమ్ అర్జున్ రాంపాల్ తన దీర్ఘకాలిక భాగస్వామి గాబ్రియెల్లా డెమెట్రియాడెస్ను అధికారికంగా వివాహం చేసుకున్నారు. గత ఏడేళ్లుగా సహజీవనంలో ఉన్న ఈ జంట, గోవా వేదికగా ఒక్కటయ్యారు. గోవాలోని మపుసా సబ్-రిజిస్ట్రార్ కార్యాలయంలో ఆగస్టు 21న శుక్రవారం సాయంత్రం అత్యంత నిరాడంబరంగా వీరి రిజిస్టర్ మ్యారేజ్ జరిగింది. అత్యంత సన్నిహితులు, కొద్దిమంది స్నేహితుల సమక్షంలో గోవా యూనిఫాం సివిల్ కోడ్ నిబంధనల ప్రకారం వీరి వివాహ నమోదు ప్రక్రియ పూర్తయినట్లు అధికారులు వెల్లడించారు.* చిరంజీవికి అల్లు అర్జున్ బర్త్ డే విషెస్.. ప్రతి లైన్లో ఓ డీప్ మీనింగ్.. ఆ హ్యాష్ట్యాగ్ అయితే హైలెట్..!!సెలబ్రిటీల పెళ్లిళ్లంటే సాధారణంగా కనిపించే ఆడంబరాలకు భిన్నంగా, ఈ జంట ఎంతో సాదాసీదాగా కనిపించి అందరి దృష్టిని ఆకర్షించింది. సాధారణ దుస్తుల్లో రిజిస్ట్రార్ కార్యాలయానికి చేరుకున్న అర్జున్, గాబ్రియెల్లా వివాహ పత్రాలపై సంతకాలు చేశారు. 2018 నుంచి కలిసి జీవిస్తున్న వీరు, 2025 డిసెంబర్లో నిశ్చితార్థం చేసుకుని, ఇప్పుడు చట్టబద్ధంగా భార్యాభర్తలుగా తమ సరికొత్త ప్రయాణాన్ని ప్రారంభించారు. అర్జున్ రాంపాల్కు గతంలో ప్రముఖ మోడల్ మెహర్ జెసియాతో 1998లో వివాహం జరిగింది. దాదాపు రెండు దశాబ్దాల వైవాహిక జీవితం అనంతరం మనస్పర్థల కారణంగా 2019లో వీరు విడాకులు తీసుకున్నారు. వీరికి ఇద్దరు కుమార్తెలు ఉన్నారు. అనంతరం గాబ్రియెల్లాతో పరిచయం ప్రేమగా మారి సహజీవనానికి దారితీసింది. ఈ బంధం ద్వారా 2019లో అరిక్, 2023లో ఆరవ్ అనే ఇద్దరు కుమారులు జన్మించారు. తమ వ్యక్తిగత జీవితంపై వచ్చే వార్తలను హుందాగా ఎదుర్కొంటూ, పిల్లల బాధ్యతలను ఎంతో చక్కగా నిర్వర్తిస్తూ ఈ జంట బాలీవుడ్లో ప్రత్యేక గుర్తింపు తెచ్చుకుంది.పాతికేళ్ల క్రితం ‘ప్యార్ ఇష్క్ ఔర్ మొహబ్బత్’ చిత్రంతో హిందీ రంగ ప్రవేశం చేసిన అర్జున్ రాంపాల్, ‘రాక్ ఆన్’ చిత్రానికి గాను జాతీయ స్థాయిలో ఉత్తమ సహాయ నటుడిగా అవార్డు అందుకున్నారు. నందమూరి బాలకృష్ణ కథానాయకుడిగా అనిల్ రావిపూడి దర్శకత్వంలో వచ్చిన ‘భగవంత్ కేసరి’ చిత్రంలో రాహుల్ సంఘ్వి అనే పవర్ఫుల్ విలన్ పాత్రతో టాలీవుడ్లోకి ఎంట్రీ ఇచ్చి తెలుగు ప్రేక్షకులను ఎంతగానో మెప్పించారు. ఇటీవల వచ్చిన పాన్ ఇండియా ప్రాజెక్ట్ ‘ధురంధర్’లోనూ ఆయన నటనకు విశేష ప్రశంసలు దక్కాయి.* కర్మ ఎవరినీ వదిలిపెట్టదు.. పదింతలు తిరిగి ఇచ్చేస్తుంది: అనసూయకు హేమ స్ట్రాంగ్ వార్నింగ్మరోవైపు దక్షిణాఫ్రికాకు చెందిన గాబ్రియెల్లా డెమెట్రియాడెస్ కేవలం 16 ఏళ్ల వయసులోనే మోడలింగ్ రంగంలోకి అడుగుపెట్టి, ఆ తర్వాత ఫ్యాషన్ డిజైనర్గా తనకంటూ ప్రత్యేక బ్రాండ్ను సృష్టించుకున్నారు. నటిగా కూడా పలు ప్రాజెక్టులు చేసిన ఆమె, అక్కినేని నాగార్జున, కార్తీ నటించిన బ్లాక్బస్టర్ తెలుగు చిత్రం ‘ఊపిరి’లో కీలక పాత్ర పోషించి టాలీవుడ్ ప్రేక్షకులకు సైతం దగ్గరయ్యారు. ఏడేళ్ల అనుబంధాన్ని ఇప్పుడు చట్టబద్ధమైన బంధంగా మార్చుకున్న ఈ నూతన దంపతులకు అభిమానులు, సినీ ప్రముఖులు శుభాకాంక్షలు తెలుపుతున్నారు.
